Həyat dövriyyəsi nədir?

Niderlandın Delft Texniki Universiteti tərəfindən verilən tərifə görə binaların həyat dövriyyəsi 4 mərhələdən ibarətdir: xam malın hasilatı, tikinti materiallarının istehsalı, daşınması, istifadəsi və tullantıya çevrildikdən sonrakı utilizasiyası. Utilizasiya xidmətin son həlledici mərhələsidir. Burada verilmiş qərardan asılı olaraq inşaat meydançasında yığılmış tullantılar ətraf mühit üçün zərərli kütləyə çevrilə və ya təkrar emala göndərilə bilər. Ətraf mühit məsələlərinə məsuliyyətli davranan şirkətlər tullantıları toplayıb təkrar emal üçün istehsal mərhələsinə göndərir və xam mal tədarükünə olan tələbin bir hissəsini ödəyərək təbii mühitə dəymiş ziyanı az da olsa kompensasiya edə bilir.