İxtisasca memar olan namizəd Azərbaycanda keçiriləcək 1 Sentyabr Parlament seçkilərində iştirak edir. Memar, sənətşünaslıq üzrə memarlıq doktoru, professor Elçin Tofiq oğlu Əliyev 23 saylı Bakı şəhəri Nəsimi-Səbail seçki dairəsindən namizəd olub. O bununla bağlı şəxsi Youtube kanalında seçicilərinə müraciət ünvanlayıb. MEMAR.today sizə bu müraciətin mətnini təqdim edir.

Parlament seçkilərinə namizəd Elçin Tofiq oğlu Əliyevin seçicilərinə 11 avqust 2024-cü il tarixli müraciəti

Salam dostlar! Mən memaram. Memarlıq tarixinin tədqiqatçısıyam. Azərbaycan və Bakı memarlığının tarixinə dair bir neçə kitabın müəllifiyəm. Bildiyiniz kimi ölkəmiz Yer kürəsinin bənzərsiz təbiəti, çoxəsrli tarixi, gözəl, mehriban və zəhmətkeş xalqı olan gözəl məkanlarından biridir və, təbii ki, bir çox nəsillərin yaratdığı heyrətamiz memarlıq nümunələri ilə məşhurdur. Bəs Bakının memarlığı necə?

Bunun cavabı məncə belədir. Şəhərin küçələri ilə gəzərkən sanki bir memarlıq dövründən digərinə zaman maşınında səyahət edirsən. Planetin unikal şəhərlərindən biri. Burada həm qədim Misir piramidaları dövrünün həmyaşıdı olan əsas simvolumuzun əsrarəngiz Qız qalası, həm də orta əsrlərin, İçərişəhərin incisi olan ecazkar Şirvanşahlar sarayı təmsil olunur. Bakını 19-cu əsrin sonu 20-ci əsrin əvvəllərində dünyanın hər yerindən aparıcı mütəxəssislərin azərbaycanlı həmkarları ilə birlikdə incəsənət və memarlıqda bərqərar olan “Art Nouveau” üslubunda yaratdığı və Bakı milyonçularının heyrətamiz dərəcədə gözəl malikanələri olan gözəl binalarsız təsəvvür etmək heç mümkün deyil.

Bilirsiniz ki, Bakının əlamətdar cəhəti 1920-1930-cu illər memarlığından bərqərar olan Konstruktivizm dövrüdür? Mütəxəssislərin bir çoxu şəhərimizin dünya Konstruktivizm memarlığı mərkəzlərindən biri olduğu kimi tanıyırlar. Bir neçə il əvvəl Bakının bu dövrünün memarlığı öz elmi işinin mövzusu kimi seçən, uzaq Kolumbiyadan olan həmkarlarım mənə məktub yazmışdılar. Təəssüf ki, biz o dövrün memarlığını şərəfsizcəsinə demək olar ki, məhv etmişik. Bəs 40-50-ci illərin rahatlıq və sevgi ilə dolu gözəl binalar? Mən özüm şəhərdə şahmat məktəbi ilə Azərbaycan prospektində üzbəüz o binaların birində yaşayıram. Ancaq bir mütəxəssis kimi məni ən çox 1970-80-ci illər memarlığı, Azərbaycan memarlarından ibarət çoxmillətli mütəxəssislər komandasının yaratdığı Sosialist modernizm dövrünün memarlığı heyrətləndirir. Totalitar cəmiyyətin çoxsaylı məhdudiyyətləri şəraitində, məlumatsız, internetsiz, jurnalsız, xaricə səyahət etmədən, demək olar ki, xarici dünya ilə əlaqələr tamamilə kəsilmiş vəziyyətdə Azərbaycan memarları çox gözəl memarlıq nümunələri yaradırdılar. Nəhayət bugün ölkəmizin paytaxtında əsr-yarım əvvəl olduğu kimi planetimizin aparıcı memarları layihələndirir və tikirlər və mən şadam ki, Bakı dünyada müasir memarlıq mərkəzidir.

Bəs biz Bakının və digər şəhərlərin bənzərsiz memarlıq görkəmini qorumaq üçün nə edirik? Çox az. Həddindən artıq az. Hər birimiz memarlıq abidələrinin sökülməsi, onların əsassız olaraq zədələnməsi, orijinal fasadların dəyişdirilməsi, ahəng olmayan mərtəbələrin əlavə edilməsi və bir çox başqa tarixi və, hətta Bakının müasir memarığı abidələrinin təhqir edilməsi faktlarını bilirik. Nəyin adına? Nəyə görə? Milli irsimizə bunu niyə edirlər və niyə bu faktlar araşdırılmamış cəzası qalır? Çünki korrupsiya hələ də mövcuddur. Məncə korrupsiya odur ki, vəzifəsi memarlığın problemlərindən danışmaq yox qışqırmağa borclu olan əsas məmurlar cinayətkarcasına susurlar və öz lalsızlıqları müqabilində dövlətdən öz şəxsi şirkətləri üçün sıfır işlərinə görə altı rəqəmli sifarişlər alırlar. Yalnız öz zənginləşməsi naminə.

Ona görə də mədəniyyətin, memarlığın, incəsənətin, hətta sevdiyim klassik musiqinin problemlərini daim yüksək tribunadan səsləndirmək, təbii ki, konstruktiv həll yolları təklif etmək üçün qarşıdan gələn seçkilərdə Milli Məclisə namizədliyimi irəli sürmək barədə çətin və məsuliyyətli qərar qəbul etmişəm.

Hər birimiz öz peşəkar sahəmizdə çalışaraq qanunlara və hüquqlara riayət əsasında güclü, müstəqil, inkişaf etmiş Azərbaycanın qurulmasına öz töhfələrimizi verməliyik. Təəssüflər olsun ki indiyə qədər ölkənin əsas qanunverici orqanında ölkə şəhərlərinin memarlığı haqqında düşünən insan demək olar ki, olmayıb.

Evlərinizin, həyətlərinizin, səkilərimizin, küçələrimizin abadlaşdırılması ilə bağlı problemləri səsləndirib həll etməyə söz verirəm. Söz verirəm ki, böyük şəhərin sakinləri kimi pozulmuş hüquqlarımızı səmərəli şəkildə qorumaq, əlilliyi olan insanların küçələrdə hüquqlarını qorumaq üçün mövcud qanunlara dəyişikliklər hazırlayıb təklif edəcəyəm.

Siz çox yaxşı bilirsiniz ki, bugün şəhər strukturlarının fəaliyyətsizliyi nəticəsində bir vaxtlar geniş olan girişlərimiz, bloklarımız və ya böyük həyətlərimiz müxtəlif şirkətlər və fiziki şəxslər tərəfindən qanunsuz olaraq zəbt olunub və nəyə çevrilib. Bakıda heç bir həyət qalmayıb ki orda kimsə nəsə qanunsuz tutmasın. Bacarıqsız və mövzudan uzaq məmurlar tərəfindən cinayət yoluyla bir neçə il əvvəl sökülən dəbdəbəli daş tarixi malikanələr hamımızın yadındadır.

Ona görə də bir müddət həyatımın əsas məqsədini bənzərsiz memarlığımızın tarixini öyrənmək və araşdırmalar tərtib etməkdən ayrılaraq sizin nümayəndəniz olmaq istəyirəm. Hesab edirəm ki, milli irsimizə olan ləyaqətsiz münasibəti dilə gətirməyə borcluyam. Həddən artıq çoxları cinayətkarcasına susanda səsimi ucaltmağa məcburam. Bu mənim vətəndaş borcumdur. Ona görə də sizdən xahiş edirəm. İnanın və dəstək olun mənə! Sentyabrın 1-də mütləq seçki məntəqələrinə gedib Elçin Əliyevə səs verin. Səsiniz mənimçün çox önəmlidir. Təşəkkür edirəm.