Avqustun 31-də Altıağac Milli Parkının yaranması günü ilə əlaqədar milli parkda “Açıq qapı” günü keçiriləcək.

MEMAR.today “AZƏRTAC”a istinad edərək xəbər verir ki, bu barədə Ekologiya və Təbii Sərvətlər Nazirliyi məlumat yayıb.

Xızı rayonunun inzibati ərazisində yerləşən Altıağac Milli Parkı özünəməxsus rəng çalarları, sıx meşələri, çəmənlikləri ilə ilin bütün fəsillərində hər kəsi valeh edir. Bu ərazi təmiz dağ havasında təbiətlə harmoniyada dincəlmək istəyən hər kəsin yolunu gözləyir.

Xatırladaq ki, Altıağac Milli Parkı ətraf mühitin mühafizəsi, bioloji müxtəlifliyin saxlanılması və ekoturizmin inkişaf etdirilməsi məqsədilə Azərbaycan Respublikası Prezidentinin 2004-cü il 31 avqust tarixli Sərəncamı ilə yaradılıb.