Sentyabrın 7-də COP29 və “Yaşıl dünya naminə həmrəylik ili” ilə əlaqədar olaraq Naxçıvanda veloyürüş təşkil olunacaq.

MEMAR.today saytı “AZƏRTAC“a istinad edərək xəbər verir ki, bu barədə Muxtar respublikanın Gənclər və İdman Nazirliyinin mətbuat xidmətindən məlumat verilib. Bildirilib ki, mədəni-kütləvi idman aksiyasına 14 yaşdan yuxarı hər kəs öz velosipedi ilə qoşula bilər.

İştirakçılar “Saat Meydanı” İstirahət Mərkəzindən başlayaraq təyin olunmuş marşrut üzrə 8 min metr məsafə qət edib, adıçəkilən məkana qayıdacaqlar.