Çində səfərdə olan rəqəmsal inkişaf və nəqliyyat naziri Rəşad Nəbiyev Beynəlxalq Nəqliyyat Forumunun (BNF) baş katibi Yunq Ta Kimlə görüşüb.

MEMAR. today saytı xəbər verir ki, bu barədə Rəqəmsal İnkişaf və Nəqliyyat Nazirliyi məlumat paylaşıb.

Məlumata görə bu görüşdə Azərbaycanın 2025-2026-cı illər üçün BNF-yə prezidentliyi məsələləri, bu istiqamətdə prioritetlər və təşkilatla əməkdaşlıq müzakirə olunub.

Bundan başqa, ölkəmizdə COP29 çərçivəsində keçiriləcək Yaşıl ictimai nəqliyyat mövzusunda nazirlər görüşü ilə əlaqədar müvafiq işlərin görülməsinə dair fikir mübadiləsi aparılıb.