29 may (MEMAR.TODAY) – Məşhur “Metropark” ticarət və əyləncə mərkəzi (TƏM) Bakı şəhərində N.Nərimanov metro stansiyasının yanında, Təbriz küçəsi ilə Ağa Nemətulla küçəsinin kəsişməsində yerləşir. Mərkəz 2012-ci ildə istifadəyə verilib və təyinatına görə şəhər mühitində üstünlük təşkil edən binalardan biridir.

Avanqard üslubu ilə seçilən bu memarlıq nümunəsi memar E.Soltanov tərəfindən layihələndirilib. Ümumi 22.000 m² qapalı sahəsi və 13.500 m² icarə sahəsi var.

Metropark TƏM-nin konsept müəllifi, icarə və idarə etməsi, və bu sahədə bir sıra digər məsələlər Türkiyənin tanınmış firmalarından biri olan “Martı” şirkətlər qrupu tərəfindən həyata keçirilib. Yelken MTK layihənin investorudur. TƏM binası indi Metropark MMC şirkəti tərəfindən idarə olunur. metropark.az rəsmi internet saytıdır.

Gecələr binanın cəlbedici görünüşünü gecə qaranlıqda önə çıxartmaq üçün dövrünə görə qeyri-ənənəvi sayılan işıqlandırma konsepsiyasına müraciət olunub. Bunun üçün 1.3 km LED texnologiyalı işıq lentindən istifadə olunub. Fasadın işıqlandırma işləri “ДСЛ” şirkətinə məxsusdur.

Sən də əgər müəllifi olduğun memarlıq layihəsinin saytda dərc olunmağını istəyirsənsə info@memar.today e-poçt ünvanına müraciət et.